ХОРШОО ХӨГЖҮҮЛЭХ САНГИЙН ХӨРӨНГИЙН ЗАРЦУУЛАЛТ, ЗЭЭЛИЙН АШИГЛАЛТ, ЭРГЭН ТӨЛӨЛТӨД ХЯНАЛТ ТАВИХ ОРОН ТООНЫ БУС ЗӨВЛӨЛИЙН ТАЙЛАН

2024                                                                                                                    Амна-Ус

       Сумын Засаг даргын 2023 оны 07 дугаар сарын 24-ны өдрийн А/132 дугаар захирамжаар хоршоо хөгжүүлэх сангийн төсөл сонгон шалгаруулах Зөвлөлийн хурлаар дэмжигдсэн 1-р багийн иргэн Б.Уранзул “Мах, махан бүтээгдэхүүн боловсруулах, хадгалах төсөлд 70 сая төгрөг, 1-р багийн иргэн Д.Азжаргал “Сэлбэгийн худалдаа, авто засвар ажиллуулах” төсөлд 61 сая төгрөг нийт 131 сая төгрөгийн зээлэнд хамрагдсан 2 иргэний төслийн явцтай  орон тооны бус зөвлөлийн дарга Б.Отгон, гишүүн Т.Ууган-Эрдэнэ, О.Содцэцэг, Ж.Мөнх-Од нар  хяналт хийж ажиллалаа. Гишүүд ашиг сонирхлын зөрчилгүй гэдгээ илэрхийлэх, зөрчил үүссэн тухай мэдэгдлийг бөглөж гишүүн Ж.Мөнх-Од нь албан үүргээ гүйцэтгэхэд ашиг сонирхлын зөрчил үүсч болзошгүй нөхцөл бүрдсэн гэж үзэн “Мах, махан бүтээгдэхүүн боловсруулах, хадгалах төсөл”-д  албан үүргээ гүйцэтгэхээс татгалзсан.

Б.Уранзулын  “Мах, махан бүтээгдэхүүн боловсруулах, хадгалах төсөлтөслийн  явц 80 хувьтай. Төслийн явцтай танилцахад зориулалтын хөргүүрт 14 тонн үхэр, хонины  махыг нөөцөлж худалдахад бэлэн болсон байна. Хөргүүрийг 380 тогтой газарт байршуулан ажиллуулж байна.

Махны зоорь

                                 Үхэр, хонины мах нийлсэн 14 тонн мах нөөцөлсөн           

Махны хөрөө, мах зорогч машин болон уут вакумжуулагчыг худалдан авсан байсан. Төсөл хэрэгжүүлэгч нь намар, өвөлын улиралд малчидаас гарал гэрчилгээтэй махыг худалдан авч зориулалтын дагуу нөөцлөж нэг аж ахуй нэгжид борлуулалт хийсэн ба өөрийн нэрийн бүтээгдэхүүнийг зах зээлд борлуулахаар бэлтгэл ажлыг хангасан байна.

Д.Азжаргалын Сэлбэгийн худалдаа, авто засвар ажиллуулах”  төслийн явц 30 хувьтай. Төслийн үйл явцтай танилцахад:

                                     Сэлбэгийн дэлгүүр, граж барих ажил явц

 Амартизор,  50 ширхэг дугуй болон жижиг автомашины 30 гаруй нэр төрлийн сэлбэг, эд ангийг дугуй засвар, авто засварын үйлчилгээнд хэрэглэн худалдан борлуулж байна. Мөн төслийн хүрээнд дараах тоног төхөөрөмжийг шинээр худалдан авсан байна. Үүнд:

Дугуй засварын тоног төхөөрөмж                                   Гагнуурын аппарат

Орон тооны бус зөвлөлөөс төсөл хэрэгжүүлэгчээс тулгамдаж буй асуудлыг тодруулахад:

Д.Азжаргал: Суманд үйл ажиллагаа явуулж байгаа зам анги цөөрсөнтэй холбоотойгоор үйлчлүүлэгийн тоо буурч орлого багассан энэ нь цаашдаа буурах хандлагатай байна.

Б.Уранзул: Мах хадгалах зоорио байршуулахад 380 тог шаардлагатай боловч өөрийн нэр дээр эзэмшил болон өмчлөлийн газаргүй улмаас айлын хашаанд байрлуулсан. Энэхүү зоорь нь дуу чимээ ихтэй, байнгын хараа хяналт муу тул айл нь хурдан ав гэсэн. 380 тогыг өөрийн газарт олгодог учир өөрийн амьдарч байгаа гэрийн газрыг эзэмших хүсэлтэй байсан.

Төсөл хэрэгжүүлэгч нарын зээлийн эргэн төлөлтийн талаар:  Б.Уранзул нь төлөлтийг хуваарийн дагуу сар бүр төвлөрүүлсэн, Д.Азжаргал нь 2024.03.10-ны өдрийн төлөлтийг хугацаа хэтрүүлэн төлөөгүй алданги тооцогдсон байна.

Хяналт шалгалтын явцад төсөл хэрэгжүүлэгчдэд орон тооны бус зөвлөлөөс дараах шаардлагыг тавьж ажилласан. Үүнд:

v  Эргэн төлөлтийг хуваарийн дагуу сар бүр төлөлтийг төвлөрүүлэх

v  Үйл ажиллагаагаа эрчимжүүлэх

v  Шинээр ажлын байр бий болгохдоо ажилгүй орон нутгийн иргэдийг ажиллуулах

v  НӨАТ-ын баримтыг олгох

v  Борлуултын орлого , зарлага хөтлөж ашиг, алдагдал тооцох

Орон тооны бус зөвлөлийн дарга:                                    Б.Отгон

                                           Гишүүд:                                    О.Содцэцэг

                                                                                             Т.Ууган-Эрдэнэ

                                                                                              Ж.Мөнх-Од